توك توك شو:D

السلام عليكم

ازيكم؟؟؟
موضوعى انهاردة كلنا بنواجهه........هقول موقف.......وهقول امثل طريقه ممكن تخليك تواجه ده صح بدل اللى بيحصل ده
وبحس انى فى برنامج توك شو فاشل.......كل غرضه جذب الناس
بدون افادتهم بل العكس اللى بيحصل حيرتهم واطلاق فى افكارهم فى سماء الشكوك والعبث الذهنى


كنت قعده ومنة اختى فاتحه صفحتها مر اسم نوت منة وشها احمر وقالت لى ايه ده؟؟
قلت احم احم.........ماتركزيش
طبعا هى كان عندها شخص حذفنى هو لمجرد انى عبرت عن رائى بحريه التعبير اللى صدعنا بيها وحريه الفكر وحريه الانسان والاسطوانه بتاعته دى.........اللى مع اول اختلاف مع فكره المخضرم مش مع شخصه......راح عمل ريموف لانى حاولت اسأل واستخدم منهج معين وهو مايعرفش يرد .........حريه حريه يعنى:D
برغم انه كان بينقد فكر عالم جليل فى نفس النوت اللى اتسببت فى مشكله بينى وبينه

اشكره (:

المهم طبعا من اسم النوت تخض ممكن
بس عامه انا ممكن اقرا فى اى حاجة باسلوب علمى محترم زى القرءان اتكلم فى كل حاجة باسلوب مهذب وعلمى ولا يثير اى شهوة
طبعا انا عارفه ان المحترم دايما بيتعمد اثارة الشهوة او اطلاق الفاظ تخض عشان تلفت انتباهك........

مش كل ده المهم .....قلت هو ليه عندى انى ادعى له
والناس ليها عندى انى انشر فكر نظيف يحترم عقولهم ودينهم وانسانيتهم تنورقلوبهم وعقلوهم بدل الظلمه اللى بينشرها هو وامثاله فى اغلب امواضيعه
ع فكرة فيه مواضيع ليه بتعجبنى جدااااااااا..........وبيعجبنى نشاطه وطموحه ونجاحه رغم صغر سنه
بس بنقد سطحيه فكره وقذاره اغلبه


المشكله بقى..........لقيت كام كومنت ع اسم النوت اللى وجعت لى عينى
فوق ال 70 كومنت........فهمت من التعلقيات مضمون النوت........والناس داخله تشتم
انا شوفت الكومنتس عشان اعرف الناس معارضه ولا موافقه ولا ايه حكايتها .....ومكنش عندى فضول انى اشوف قذراة وعفونه فكره لانى عارفه اللى بيتكلم عنه وحضرته مش محتاج يفهمنا اصلا

معنى ان فيه حد محترم دخل يشتم وقرا وتمعن فى النوت
طيب قراتها ليه من الاول مع ان اسم النوت واضح زى الشمس اللى هيبقى موجود فيه؟؟؟؟
داخل بتشتم ليه.........مادام وجعتك اوى كده وانت مش عاوز ده ينتشر بتقراها ليه وكمان بتعلق؟؟؟
الناس هى اللى بتخلى القذارة تظهر .......ازاى بقى؟؟
1)دخل وقال اقرا .......ما الاسم واضح.......معارض حضرتك......ماتدخلش من الاول وتقرا واعتقد ان لو مافيش ولا كومنت هيحترم عقول الناس ويبطل يكتب........وخصوصا ان كل مرة بيلاقى صدى بيعمل نوت اعمق واكتر فى القذارة...بتثير شهوات

2)مش عجبك حد ماتدخلش تشتمه مباشرة انت كده بتلمعه زى ال........
بتخلى كل الناس تشوف مين المشهور اللى بيشغل فكر الناس؟؟؟
وانت بتقرا غصب عنك هتخليك تفكر فى حاجات معينه...................طيب ليه؟؟؟؟؟؟؟؟؟؟
وكمان عمال ترد ترد وكل نوت تدخل ترد ............عاوز تعمل خير.....انشر نفس الفكر بشكل محترم انشر الخير
ماتحربش شر.........ادخل انشر فكر مستنير ونظيف.......ربنا يجازيك خير

ساعات كده بنفتكر لما نرد ونزعق ونتخانق ونشتم ونجيب سيرته ونقول انت عارف فلان ده كخ
...........مش هيرجع ويخاف ويقول يامى يامى يامى.....بالعكس
احنا كده بنشجعه انه يكمل ..........عشان يوصل للجاهل والمثقف

الافضل لينا نعمل ايه؟؟
نتجاهل اى حد بينشر فكرة سلبيه............لان مش كلنا عندنا العلم الكافى للدخول فى اى جدال
ننشر الخير اللى نعرف عنه فى كل حتة وننور عقول الناس

طيب انا عندى علم ادخل بقى اعمل ايه؟؟؟
هشتم واتعصب وابهدله؟؟؟
لا طبعا


امال تعمل ايه؟؟
1)التهكم والتوليد((منهج سقراط))
ده انك تبين انك جاهل قدام حد انت عاوز توصله معه للصح او الحقيقه.......اقعد اسال وقوله ليه؟؟؟
اظهر انه هو اللى هيعلمك واقعه اسال......هاتيجى فى نقطة حلقتها ضيقه تولد الحقيقه وتطلع الحق ع لسان جاهل وكلنا جهلاء

اوعى تحسسه انك اعلم منه ..........او انك اللى معاك الحقيقه الكامله
محدش ع وجه الارض معه اى حقيقه.......لو حسسته انك اعلم منه ..عارف هو هيعمل ايه؟؟
1)مش هيناقشك 2)هيشتمك
3)وهيتمسك بفكر ه اكتر وينشره اكثر واكثر

2)لازم تكون عندك رزانه ورجاحه عقل

3)لا تنتقد انسانيته بل انتقد فكره

4)الادب فى الحديث....لو استخدمت اى لفظ بذىء يبقى انت لا تحمل اى قيمه تستحق انى اسمعك

5)الثقه بالنفس
1)المعلومات الغزيرة
2)طريقتك فى توصيل المعلومة


6)الهدوء

7)الحجج القويه.....لان مثلا حد مسلم لقى حد كاتب حاجة ضد الدين يدخل يشتم ويزعق
ومع اول مناقشه بيتجلى الجهل الدينى((حاجة تكسف))

ابعد عن
1)انك ربنا
ثقافه التيكت.........انك تقعد تقول ع ده كذا وده كذا ........وانك بقى تقعد تحاكم الناس
انت تنشر الخير............وتعلم الناس.........مش منحقك تحاسب حد انت مش ربنا
انت عبد بتغلط برضه ...كلنا طائع وعاصى مافيش حد طائع بس ومافيش حد عاصى بس

2)التعصب والحده فى الكلام
الرسول كان الدين لحمه ودمه.......بس كان رزين حكيم بيدخل القلب

3)جلد الناس...........هقولك حاجة حط نفسك مكانه



بلاش خناقات سواقين التوك التوك فى مواضيع مش من حقنا كلنا اننا نتكلم فيها بدون علم
لما بقرا او بشوف اى جدل سواء فى تلفزيون او ع النت او فى اى حتة
مالهاش عندى اى مسمى محترم
فاخترت اسم توك توك شو:D


اخيرا :من يأبى قبول النصيحة لاتكلفه شيئا فسوف يضطر الى شراء الاسف باغلى سعر
وانتظروا النوت القادم الفرق بين الحق والحقيقه!!!!


انا مجبتش اسم حد ولا مضمون النوت لانى اقدر اوصلكم اللى فيها بمنتهى الادب
معلمتش كده عشان مش هنشر اى فكرة ملهاش لزمة
ولا المع حد بيلوث عقول الناس
وخصوصا انه بيدعى شىء هو اول حد مناقد له



حاولت انى مانقش الموضوع اكتر من كده عشان ماطولش

(:
اللهم نور بصيرتنا وبصرنا.........واجعل حياتنا كلها نور

طلب بقى:
انهاردة ليله الاسراء والمعراج
قيام ليل
وقرآن وقراءة سورة الاسراء تحديدا .......جميله قووووووووووى بحبها جدا
قيام الليل :بجد اللى نفسه فى اى حاجة وهو ساجد بقلبه قبل راسه يطلبها.............ربنا هيستجبها ان شاء الله وانا مجربه
كل لما يبقى نفسى فى حاجة اطلبها من ربى وانا بقوم الليل.........وهو مجيب قريب

ربنا يتقبل منا ومنكم(:
ونأسف للازعاج


هبة سامى

هههههههههههههه
محدش يسالنى ايه سبب الصورة دى?
ليها مغزى فلسفى عجبنى:D
وكمان عجبانى قوى الحقيقه


يارب نور بصيرتى والهمنى رأى العقل
احمينى
نجينى
اهدينى
واحفظنى
واحفظ لى صله الرحم والاهل
يارب هون كل صعب واجعل طريقى سهل

يارب بحق ما شقيت لموسى جوة البحر طريق وبحق ما رزقت مريم مية تبل الريق وبحق ما حفظت يونس جوة فى بطن الحوت وبحق ما نجيت ابراهيم من اللهب والموت ويحق يوسف الامين ع تلال المال وبحق ايوب ما صبر صبره يهز جبال ترزقنى ضى فى سكتى وكتابى باليمين وتصلى ع سيدنا النبى امام المرسلين عليه الصلاة والسلام

هتلر وافلاطون شركاء لبناء المدينة الفاضلة!!!

هتلر وافلاطون شركاء لبناء المدينه الفاضله؟؟!!!

لا داعى للدهشة ...كلنا ننظر للمدينه الفاضلة على انها المثالية المطلقة وعندما ننظر لها وللقوانين التى شرعها افلاطون فيها ...اذا دققنا النظر سنجد لكى يعم الخير كما يرى هو ..لا بد من انتشار الحكمه وكل المواطنين معايرهم فاضله تحت وطأة الحاكم الذى لابد ان يكون فيلسوف بالضرورة ....قسم مدينته
شكل الجماعة الأنسانية عند افلاطون :

1-الطبقة الذهبية (وهي طبقة الحكام الذين يسيرون امور الدولة)
2-الطبقة الفضية (وهي طبقة الجند الذين يدافعون عن الوطن)
3-الطبقة النحاسية(وهي طبقة الزراع و الصناع و التجار)

ان الناظر فى التقسيم الطبقى السابق يلاحظ ان الدولة انما تقوم فى جانبها المادى ع طبقة المنتجين من زراع وصناع وغيرهم ،وتقوم فى جانبها المعنوى ع ما يسميهم افلاطون "حراس الدولة "اى الحاكم برغم انه اولى عنايه خاصة لتربية الجند باعتبارهم الحراس الاشداء ينبغى ان يكتسبوا قدرا معقوله من المعرفة حتى يستطتيعون التمييز بين المواطن الذين يدافعون عنه وبين العدو الذى يجب مهاجمته اقول انهم تلك العنايه رغم تلك العنايه التى اولها لطبقة الجند وتربيتهم التربية الصالحة التى تمكنه من اداء وظيفتهم فى الدفاع ع خير وجه الا ان عنايته الاكبر فى الحقيقة كانت بتخريج من اسمائهم"الحكام الفلاسفة "لان العقل_حسب التعبير الافلاطونى_لا يتوافر له الاكتمال الا لدى "الحارس الكامل"اى طبقة الحكام.....

يرى دائما افلاطون الافضليه للحكماء اى الحكام الذى يدور كل المواطنين من زراع وصناع وجند كلهم كمادييييين لاكتمال عناصر لاكتمال مثاليه الدولة ولكنه نظر اليهم بالتعليم والتربية وكل شىء ولكن ايضا لنزعة طبقية...الافضليه للجنس الممتاز للحكيم هو الذى يكم هو الذى يدور الجميع فى فلك افكاره بمسايرة افكاره ....وايضا زينون وجمهوريته التى كلها تعتمد ع ان كل من مواطنيها من الحكماء ولا وجود لاى شر ولا صداقه الا للحكماء لانهم وحدهم القادرون ع فهم المعانى والقيم السامية ....كلهم يتفقون فى القيم واخلاق المدينه الفاضله من عدل او مفهموم الخير الاعم لكل هذا المعانى السامية..والتى نرى فيها النزعه الطبقيه للعقل والحكمه والجنس الممتاز.........

يتفقون مع فلسفه هتلركثيرا ..وانهم فى حاجة اليه لتكوين هذه المدينه المنزهة من الشرور التى يعيش فيها الحكماء ومن يهيئوا الكون لهم من مواطنين يتفقون معه فى الفضيله والقيمه ......هتلر قال جمله تلخص هذا الفلسفة المشتركه:
لقد كان فى وسعى ان اقضى على كل يهود العالم،ولكنى تركت بعضا منهم لتعرفوا لماذ كنت ابيدهم....
يحتاجونه حقا .........فهو الاقدر كما قال

ولكن هل ينفع؟؟
لا......لاننا نحياه فى دنيا لابد ان يغيب الخير بها ويظهر الشر ولابد ان يظهر الخير عشان ينتصر ..والخير والشر لكل زمن ولكل وقت مختلف عن الوقت الذى قبله ولكنه متحد فى معاييره ......والنواميس الالهيه تحكم هذه العالم من يتمسك بها ..لم؟؟..لمواجهة قوى الشر فى التمسك بالفضيله حتى يوجد جنة ونار ...تفصل بين الحكيم وهو من يتمسك بشرائع الله ويحيا ناجح يجاهد ذاته ولذاته وعيش كانسان سامى عن اى مخلوق شهوانى وبين العدو الكافر الليئم الذى يسفك ويدمر ويقتل ......ولا يستطيع احد ان يمسك بزمام الله ويعتبر نفسه الله ويقول انا الذى سابيد كل الشرور _الله ليس لفظا ولكنها معنى يشمل احساسه بذاته_ انا الذى ساجعل كل الناس حكماء بدرجات وانا الاسمى فيه....يستحييييييل هذا .....لكل انسان فى الدنيا قيمه صحيحة مطلقه بالنسبه له لا يتفق معه بالضرورة كل من يسمع او يرى طريقه حكمه ع العالم ككل وبذلك يتولد الشعور بالظلم والقهر للظالم كما شعر اليهود بالظلم من ظالم بوجهة نظر وشريك فى االافلاطونية التى نتمنى ترابها لكى ننعم فيه كما شعر اليهود !!!!


امر معقد حقا ..يحتاج لمقالات تناقشه بتفاصيل توضح هذا الامر
ساوضح لكم فكره من خلال عالم المثل ووهم المدينة الفاضله التى كلما نريد ان نعبر عن شىء فاضل نقول الافلاطونى
الفلسفة بتقول انك تفكر بعمق قبل ان تحكم ع وهم وسراب!!!!....انتظرونى فى المقالة القادمة

اذا نظرنا للاسلام نجده يبنى مدنا وبنى قديما مدينه فاضله واقعيه قائمه ع العدل والمساواه وكل القيم الانسانية وتطبيقها ع كل اهل الارض لكل انسان خطأ له عقاب ع قدر خطأه من عصر الرسول الى خلفاءه ومن تبعه!!!


هبة سامى

لكل من له عقل

الفلسفة؟؟اولا:ماذا تعنى كلمه فلسفة؟؟
φιλοσοφία بالاغريقية.....تعنى محبة الحكمة او المعرفة
وبرغم هذا المعنى ..ولكن يصعب تحديد ماهية الفلسفة ومدلولها،ولكنها نشاط انسانى قديم لكل الشعوب وكل الحضارات ،فالمادة الاساسية من الفلسفة مادة موسوعية متشعبة ترتبط بكل اصناف العلوم ..قد تستغربون لو قلت انها السبب الرئيسى فى نشأة كل العلوم لانها شملتها كلها وشملت ايضا كل جوانب الحياة ولكنها تبقى فلسفة احيانا يقومون بوصفها بانها"التفكير فى التفكير"..اى التفكير فى الكون وفى كل شىء يطرحه ....

لم تكن الفلسفة علم جامد اى لا يتغير ولا يتجدد...ولكن شهد مراحل تطويرية عديدة مهمة...فالاغريق اسسوا القواعد الاساسيه فيه كعلم حول بناء نظرة شموليه موسوعيه للكون.....فالطبيعيون الاوائل فى القرن السادس قبل الميلاد بحثوا فى الكون لذا سميت فلسفتهم بالطبيعة وسنفسر تفكيرهم وغايته فيما بعد.....ثم تطورت شيئا فشيئا وتطور الفكر الموسوعى

من اهم القضايا التى طرحت على العقل الفلسفى:
1)تفسير الطبيعة
2)مشكلات وقضايا الانسان
3)مشكلة الالوهية
4)التحليل النقدى لكل شىء
5)التجديد والتطور المستمرين
1)الانتقال من المثيولوجيا الى الفلسفة
2)الانتقال من البحث المادى فى اصل العالم للبحث المثالى فيه
3)الانتقال من الذاتية للموسوعية
6)الاهتمام بالعلوم والاداب والفنون..وتحليلها
7)الاعتقاد بان لا شىء لا ياتى من لا شىء
8)العقل واسس التفكير السليم
9)البحث فى الهدف من الحياه وكيفيه العيش السليم


وعلاقة الفلسفة بنشأة كل العلوم...لانها كانت تدعو للوصول للحقائق وتدعو ايضا للتأمل ومن التأمل باتى الاكتشاف ومن هنا تاتى تحليل ومن التحليل ياتى علم........فاشكاليه البحث عن ماهيه الفلسفة وهل هى علم عقلى او عملى تطبيقى؟؟!!!!.......كانت تثير فكر القدماء...ولكن الفلسفة شملت كل نواحى الحياه ومباحث الانسان وعلومه ..لانها تفكييير وتفكر وتأمل......

وما علاقة دراستنا لكل هذا او تحليلى له او شرح هذا الفكر الفلسفى المتطور والشامل من الفلاسفه الاوائل وكل فلسفات الحضارات القديمه بديننا؟؟؟؟

لله عز وجل صفات عديدة واسماء عديدة .ولعلنا نأخذ من صفاته صفات لنا كما أمرنا فى كتابه ع قدر استطاعتنا كبشر ..فالرحمن الرحيم يدعونا الى التراحم...القدير تدعونا الى استغلال قدرتنا...العزيز..امرنا بالعزة بدينه وطاعته..الخ الخ

ومن صفاته ايضا "الحكيم"
وبما اننا محبين للمولى عز وجل....اى اننا محبين للحكمة !!!

اى ان لكل منا ذات فلسفيه..امرنا الله تعالى بالنظر من خلالها لكل شىء النفس والعالم الاكبراى الكون.....فلا بد ان نحب المولى على حق عمليا بمعرفة صفاته واوامره....فالبحث عن الحكمة والوصول اليها امر الهى لازم التنفيذ على قدرة استطاعتنا للرد ع اى شىء يدور بخاطرنا او الوصول لحقائق اكبر بمشيئه الله عز وجل
فقال تعالى
سنريهم آياتنا في الأفاق وفي أنفسهم حتى يتبين لهم أنه الحق أولم يكف بربك أنه على كل شيء شهيد" (53 فصلت)

" إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ * الَّذِينَ يَذْكُرُونَ اللّهَ قِيَاماً وَقُعُوداً وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ " (90-91 أل عمران)

" وفي أنفسكم أفلا تبصرون" (21 الذاريات)


"هذا خلق الله فأروني ماذا خلق الذين من دونه بل الظالمون في ضلال مبين" (لقمان 11)


"والذين يدعون من دون الله لا يخلقون شيئا وهم يخلقون * أموات غير أحياء وما يشعرون أيان يبعثون " (20-21 النحل)

وكثير من الأيات القرأنية التى لا يتسع المقام لذكرها تدعو الى التفكر
والتأمل وتحث على تلك العبادة الجليلة ،، إذن فالتفكر فى خلق الله من سمات العاقلين وأولى الألباب والمؤمنين الموحدين لله

اى من قبلنا نفذوا اوامر الله لنا قبل ان يعرفوها..فبعد الاساطير والديانات اللاهوتية بدأ الانسان فى التفكر وصل لشىء تقدمى فى البدايه عن التفكير الاسطورى ...واخذ شيئا فشيئا فى التطور.....

فالديانات السماويه نزلت والعقل البشرى ممهد لها ....لانه كان يبحث عنها لتستقيم امور حياته....يبحث عن الالوهية والحقيقه من الحياة وغيره وغيره......الخ(سنستعرضها فى حلقات مفصلة شيقة ..التطور الفكرى وتقبل العقل للديانه)....وبدأت الفلسفة بعدها تأخذ مسارا اخر وسنتحدث ايضا عنه بعد مواصله الفكر التقدمى..الذى قد تستمتعون كثثثثثثثيييييرا عند تفصيلى له وتندهشون من اعجوبة الفكر!!!

ولكن بعد ظهور الاسلام؟؟؟..قد تسألون وما الحاجة فى استغلال الذات الفلسفية؟؟

الذات الفلسفيه ستستمر الى يوم القيامة....وهذا أمر الهى بالتفكر والتأمل والتحليل اى الفلسفة...وقد وضع الله لنا حد حتى لنا نتعداه وهو(الغيبيات)...التى مهما بحثنا عنها سيعجز فكرنا====== وهذه ايضا دعوة للايمان سأفسرها ان شاء الله

لما نحن كمسلمون موحدون بالله مأمورون بالفلسفة؟؟
كلنا آمنا بالله منذ الولاده هذا ايمان فطرى.....ولكن عندما نعى ونصل الى مرحله معينه...يبدأ بحثنا فى كل شىء ونسأل...وعادة لا نجد الاجابه التى تريح عقولنا كصغار....نكبر ويصبح امر واقع.....ومنا يريد البحث والتأمل ومنا يعانى من جهل دينى؟؟؟
ومع ظهور العلمانييين وغيرهم من افات المجتمع؟؟!!!
مع اول جدال ومناقشة يتجلى الجهل الدينى لاكثر الناس ...ويصلوا الى الشك!!
واتباع اهواء ذاتهم الضآلة

ولكن لو كنا اتبعنا أمر الله ونظرنا فى كل معنى فى كل ايه بعمق ونفذنايستنير عقلنا وتتفتح افاق الذهن..ما اجمل هذا الشعور!!!!
شعور جميل بما كرمنا الله به وهو عقلنا!!!.......سمو ورفعة واحساس عظيم بعظمة الخالق فى خلقنا وفيما كرمنا به (العقل)...

وبالبحث الفلسفى التـأملى فى الكون والنفس اى العالم الاكبر والاصغر
سنصل انه الحق ده اولا
ولما نبحث فى انفسنا..سنكتشف قدراتنا وطاقتنا وما باستطاعتنا ..فنبحث عن مواطن اسباب ناجحنا وسعادتنا وسنكون بالفعل!!
ولما نبحث فى الكون..سنكتشف العلوم والاداب والفنون الجديدة
وسنحل كل قضايانا بالبحث والعقل الفلسفى المنطقى فى حل كل الامور التى تتعلق بحياتنا
كل مناحى الحياة..........................................رأيتم أمر الله بالفلسفة؟؟؟؟؟..رأيتم نتائجه؟؟؟؟

ان شاء الله معكم هتكلم عن كل هذا واكثر فى مقالات
وقد تكون فى خطوات اخرى

هنبحث
1)الامر الالهى بالتفكر
2)تتبع خطوات تطور الفكر الفلسفى
3)تعلم كيفيه الرد ع العلمانييين وغيرهم من الجهلاء
4)حل كل القضايا التى تتعلق بحياتنا
5)الفلاسفة فى كل الحضارات وعلاقتهم بنا
واكثر من هذا ان شاء الله.........هنحل وهننقد ونحلل كل شىءءءءء

للناجحين واللى عاوزين وبس!!!

بقالى فتره كده خير اللهم اجعله خير ..بقابل نوعين من الناس ناس ثقتها فى نفسها صفر او تحت الصفر....ومتعرفش انه حرام او مكروه.....
وناس تانيه واثقه فى نفسها لدرجة الغرور اللى ينقط:D
الناس دى هقولها كام كلمه كده ان الغرور اول طريق الفشل وقريب جدا هنسمع عن نهاية سيادتكم يا فندم!
لا تكن كقمة الجبل ..ترى الناس صغارا ويراها الناس صغيرة !
للذكاء حدود لكن لا حدود للغباء !!!.لسبب ان معنى انك مغرور يبقى شايف لنفسك سقف لنجاحك وابداعك وانت اللهم لا حسد يعنى وصلت له....اسمح لى اقولك يا فاشل يا فاشل....لانك كده بالفعل
مش هتكلم معاك اكتر..واظن انك مش محتاج اصلك بتقول انك مفيش ادك:D

اجى بقى للناس اللى تحت الجليد ودرجة احساسها بطاقتها وقدرااتها تحت الصفر
اطمن جبت لك الغلايه.......فتح عينيك بقى واجعلى اذناك صاغيه لى وقلبك مفتوح زى الشباك اللى هيدخلك هوا صافى وهتقفله عشان متاخدش برد ويبقى غرور:D

الحقيقه:
معرفش
مقدرش
منفعش
مبفهمش
هو انا اقدر؟؟؟
هو انا اعرف؟؟؟
هو انا اصلا انفع ابقى ناجح
ده انا اصلا فاشل
انا غبى
....خد عندك بقى كل الكلام اللى شبه ده
ورحم الله امرء عرف قدر نفسه....ع فكرة ده مش حديث قدسى ولا حديث شريف..عشان بس نبطل فتوى
امال ده كلام مين؟؟؟...الله اعلم ..بحثت وعرفت انه ولا ائمه ولا تابعين ولا حد قاله(:
بس ممكن نفسرها بمعنى حلو مش المعنى اللى بالى بالك اللى يخلى الواحد يقعد فى بيتهم وميعملش حاجة.....معناها اننا نعرف اننا ضعفاء امام ملوك الملوك ....اننا نطيعه ونسمع كلامه ..ده معناها اللى انت نفسك المفروض تشوفه...

عامه جبت لكم سبع نصائح لتعزيز الثقه بالنفس من كتاب قوانين النجاح لبريان تراس:

1)اكتشف نفسك:
افتح عقلك للاشياء الجديدة،وحاول تجربه الهوايات التى لم تفكر فى ممارستها من قبل،فكلما ازدات معرفتك ونمت مداركك شعرت انك افضل مما كنت عليه من قبل.

2)التفكير الايجابى:
العقل هو البوصلة الارشاديه لبناء الثقه بالنفس واتخاذ القرارت الصائبه فى الاستجابه للمواقف والتصرفات السليمة ازاء الذات والاخرين ،فقائمه الانجازات التى يتطلع المرء لتحقيقها سواء صغيرة او كبيرة يمكن ترجمتها الى الى افكار وصور،ومن ثم تحويلها الى مواقف، وبذلك يمكن تبديد كل المخاوف التى تراود المرء.

3)التحدث بايجابية:
الخلود الى الراحة والتفكير بهدوء يريح النفس ويتيح للعقل التفكير برؤية ازاء الكثير من القضايا الشائكة ووضع الحلول الايجابيه لها.

4)التصرف بحكمه:انفتاح العقل على تقبل كل ما هو جديد من تجارب وهوايات من شأنه ان يرسخ الثقه بالنفس فى مواجهة اى مواقف طارئة.

5)معالجة الامور الصعبة
يجب العمل باستمرار ع تاكيد الذات وعدم الانتقاص من القدرات الذاتيه لتخطى العقبات وعدم الاستسلام لليأس.

6)العيش بايجابية ومحاولة المرء ان يكون ايجابيا وفاعلا فى شتى مجالات العمل....بداية الطريق الى النجاح والابدااااااع

7)الحزم فى اتخاذ القرارات:
عبارة لا استطيع يجب شطبها او استبدال اخرى بها مثل ما الذى يمكن فعله وبذلك يتبدد الخوف والتردد وتتحدد الهداف لتخطى الاهداف المثبطه للعزم.

الناجح شخص واثق فى قدراته(الناجح ده اى حد فيكم واثق فى ربه اولا وقدراته اللى ربنا اديهاله اللى لازم يفتش عنها) _وبيشتغل عليها وبيطلعها وبيبدع فيها.....يعنى الافكار هتجيب افكار اكتر واكتر تخلى الانسان انجح وانجح

الايمان بالذات!!!
.الإنسان العظيم هو الذي يقضي وقته في الحياة يعمل شيئاً ما ليبقي إلي ما بعد الحياة.

إن شخصاً يتمتع بالايمان , له قوة تعادل تسعة وتسعون شخصاً لا يؤمنون.
جون ستيوارت

إذا كانت رغبتك صغيره ومحدودة فستكون كذلك , وإذا كان طموحك لا حدود له فستكون عظيماً.
جيمس ألين

عندما تطلب تحقيق ما هو مستحيل تحصل علي أفضل ما هو ممكن

عوزاك تزن ع نفسك تزن ع قدراتك المكبوته انها تنطلق !!!!!
قطرة المطر تحفر في الصخر ، ليس بالعنف و لكن بالتكرار

الحياة مليئة بالحجارة فلا تتعثر بها بل إجمعها وابنِ بها سلما تصعد به نحو النجاح

وفى النهايه احب اقولك قول انا عاوز اتغير واشتغل قبل ما العمر يعدى بيك!!

الكثير من الناس يتلقون النصائح ولكن الحكماء فقط الذين يستفيدون منها . سايروس.....خد بالك بقى

خلاص اقفل بقى الشباك:D

جروب عاوز اتغير
http://www.facebook.com/#/group.php?gid=165776465991

ماتقولش مقدرش مقررش معرفش ..بطل بقى الكلام ده وبلاش وش..لما يجى الامل يخبط ع بابك..قوله اتفضل واحرمنا من غيابك..النجاح مفتوح له جواك طريق..والحمد لله انت ع البر مش غريق...كلنا لطريق للجنة عاوزين..عمره ما هيجى للمتواكل والكسلانين..هيجى للى ماشى فى طريق ربه..وثقته فيه منورة دربه..
اللى بيحب ربنا بيشوف كل شىء جميل(:

هبة سامى

امسك العصاية من النص!!!

فى ايه بقى؟؟
قالوا ديننا دين الوسط......يعنى ايه؟؟
عندما جاء الاسلام واسقط عن كاهل الناس نير الخرافات ،وحرره وسما بانسانيته الى اسمى درجة
وحرر العبيد ،وحرر المرأه من النظرة الحقيرة التى كان ينظر اليها بها من انها للمتعه او وأد البنات تماما ....وحرم الخمر بمراحل نظرا للبيئه التى نزل فيها الاسلام .....وأمر بالصلاة .....وكل الاوامر وتعاليم الاسلام الحميده
سما بالعقل وقاله انت صاحى واشتغل وعمر الكون ومتذهبش عقلك ومتفكرش فى شىء فوق فكرك(الغيبيات) ودعاه للتفكر..واللى هيتابع مقالاتى هيلاقى ان دايما بحب اذكر ايه اوووى اذكر فيها الناس ونفسى باهميه التأمل والتفكر قال تعالى(
سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ (53) فُصلت
شايفين المعنى بيقولك تأمل فى نفسك وليها معنى غزيييير اوى.....ما هو التأمل ده هيخليك تكتشف فى نفسك حاجات وتعيس ناجح وهتثق فى ربك اللى قالك جواك قدرات انا مديهالك
وفى الكون.....(الافاق).....العلماء والفلاسفه واى حد ناجح وعنده فكر وهدف بيعمل ايه؟؟؟
بيتأمل.......وكل ده التأمل فى العالم الاصغر وهو النفس والعالم الاكبر اللى هو الكون هيخليك اولا وده شىء لابد منه وان محصلش يبقى فيه شىء غلط فى الموضوع انك(تؤؤؤؤؤؤمن بالله)....انك عندما تقول اشهد ان لا اله الا الله قلبك بينطقها قبل فمك..ولو حسيت بها ..بجد بجد هتلاقى نفسك فى اعلى مكان عالم وبتفهم وفيه ناس حوليك بتحبك ....وهتكتشف حاجات جوة نفسك رهيبه

لازم تتعلم دينك الاول كويس بمنتهى البساطه الدين عمره ما كان مليان عقد ...لو بحثت عن كل شىء فى القرءان والسنة صدقنى هتسبق علماء الغرب...ليه كل لما يكتشفوا حاجة ..تقول الله شايف ده الكلام ده كلام سيدنا النبى ...الله عليك انت
ومش زعلان؟؟؟؟........ده عندك تبحث وراه ...سبحانك يارب

اول ايه نزلت بتقولك اتعلم.(اقرا)....مش هكمل فيها النقطة دى لان فيه اخ عزيز /اسلام ابو بكر عامل توبيك هايل اللينك فى اخر المقال ياريت تقروه

حرر الناس من العبوديه..ايا كانت حتى لو كانت عبوديه افكار!!!!!!!!!......سمووو
خلصهم من اى شىء يحط من قدرهم ويخليهم يعيشوا كالقطيع
وجه رسولنا الكريم علمنا كل شىء جميل نعمله ازاى من خلال سنته السلسه.....اللى انت مش محتاج توصلها للناس بعبس وشك والله ما محتاجينك ...لو لقيت الدين بيقولك اقفل ع نفسك وخليك مكشر وكره الناس فى الدين من خلالك من خلال فهمك للدين اللى طبعا غلط..ياريت فعلا تقعد تقفل ع نفسك وياريت متكلمش حد فى الدين لانك هتنفره مش هتقربه من دين ربنا الجميييل اللى جه للضعيف قبل القوى

المهم ايه حكايه العصايه اللى من النص دى؟؟
وايه علاقته بكل اللى انتى قلتيه يعنى مش فاهمين؟؟؟

الجزء الاولانى كنت بتكلم فيه عن نقطه مهمه جدا ان الاسلام جه وهو رفيييييييق اوى بالبشر واخدهم واحده واحده...
اللى خلانى بقى اكتب التوبيك ده
التطرف والارهاب اللى مش شرط تمسك سلاح عشان تبقى ارهابى!!!!!
هو السلاح منه ....بس شكل من اشكاله وانا شايفه انه بتاع السلاح ده ..شويه شباب اغبيه جدااااا ليهم رئيس الجماعه امريكا بتصدرهم ولا غيرها وتقوله امسك السلاح ده واضرب به شويه مسيحين عشان تقوم فتنه ونتفرق او اضرب شويه اجانب وكله لتشويه صورة الاسلام

التطرف والارهاب بقى اللى اقصده....بينى وبينكم ..بشوف كتييير وبسمع اكتر
عن ناس ليها شكل معين ...تحرم كل شىء وتحلل اللى ع مزاجها ويجيبوا شويه كلام من السنة يحرفوه بشكل من اشكال فكرهم لمجرد انه كده فاكر انه مسلم متقى الله....مع انه ساب اهم شىء فى السنة اخلاق سيدنا النبى اللى هى المعجزة الحقيقه فى الاربعين سنة اللى قبل البعثه....الاخلاق والوجه السمح والكلام اللين..(ولو كنت فظا غليظا لانفضوا من حولك)

الفظ الغليظ..دايما عابس دايما زعيم حزب المعارضه كل شىء لازم يتدخل فيه ويقول حرام مع انه ممكن ميبقاش كده
لو فيه حرام طبعا متسكتش بس فيه طريقه كده لو درسنا سنة النبى بجد هنلاقيها الحكمةةةةةةةة والموعظه الحسنة
الحكمة يا عالم .......مش الايد ولا الرجل ولا الشتيمه ولا الفلحسه ولا اللى بيعمل فاكر انه هيعمل اكتر من النبى يعنى....

مش هكتر....وهقولك جمله لو لقيت نفسك مسلم والناس كلها مش بتجرى عليك والعاصى قبل المسلم ..تعرف انك فيه شىء غلط بتعمله
طريقتك..كلامك...اسلوبك..تصرفاتك .......لو علمت كل شىء ومكنوش افضل شىء عندك تعرف انك نفرت ناس كتير وبعدتهم اكتر واكتر مع ان دورك اصلا انك تقرب ابسط شىء اعبد ربنا وحبه وغييييييير ع دينه وغيييير ع عباده وخلى همك ان كل الناس تعرف ربنا بجد وجارك وقريبك وصحبك وصحبتك بس بالحكمة والموعظة الحسنة والابتسامه اللى كانت دايما مرسومه ع وجه سيدنا النبى والطبطبه واللييييين.....الدين سهل وبسيط وكله دعوة للاخاء والحب والتفاهم بين المسلمين وبعضهم والمسلمين وكل الناس مسيحى يهودى..ولكم دينكم ولى دين....واسلوب النبى فى التعامل مع اليهود والمسيحين حاجة كده خيال البنى كان بيسأل ع اليهودى الىكان بيحب الاذى له وراح يزوره لما غاب دى مش حكمه؟؟؟ دى مش دعوة للدين؟؟؟ولكنه سيدنا النبى وده دين ربنا اللى لو عملت عكسه يبقى خرجت عنه .......

دعوة لكل اب ولكل ام ودعوة لكل شاب بكرة هيبقى اب ولكل بنوته بكرة هتبقى ام
افهموا دين ربنا صح وفهموه لاولادكم .....ومتقفلش ع نفسك ولا تقفل ع ابنك .......لا علموا وسيبوا ورقابوا من بعيد زى ما والدى ووالدتى الله يحفظهم لى عاملين معايا ...واانا مقدرة ده جدااا ودايما بوعدهم بينى وبين نفسى انهم هيفخروا بيا وهفضل دايما محافظه عليهم وع صورتهم وبعون الله اتمنى اكون سبب من اسباب دخولهم الجنة.......
متخليش همه انه يتفلحس فى الدين وينسى وظيفته الاساسيه فى الدنيا(التطرف) انه يعيش مع الناس ويعمر ويكون انجح انسان بتعاليم سيدنا النيى لان النبى كان ناجح ع كل المستويات....وربنا علمه

قلت الكلام ده....عشان سبب ان الشاب مثلا وهو فى فترة المراهقه لو حد قفل عليه اوى وفهمه ان الدين هو صلى وابقى متجهم كده وفظ وغليظ او هو هيبقى من كتر القفله......المجتمع مش هيبقله!!!
المجتمع مش هيبقله!!!!.ولا المتدينين ع حق..و لاحددددد
وهيتعقددددددد ولما يكبر شويه هتكون النتيجةة انه هينحل وهيبقى النقيد ......واكيد الاتنين غلط والاتنين النار والعياذ بالله
خليه يفهم ويحب الدين والدنيا ويعيش ويعمر ويتعلم ويصاحب .........
مدخلوهوش فى دايرة لو طلع منها وهو فيها لاتنين حاله ميسرش

ولو انت اللى كده ...رسالتى ليك ربى نفسك واعرف دين ربك

دين ربك سهل جميل...حاجة كده ملهاش مثيل....تبعد ليه وتشرد بعيد.....بفكر قاسى كده وشديد....حب ربك حب دينك..حب ناسك اللى مش عايشين فى خيرك.....ده خيره هو وحده اللى آوينا .....دينه وصل وحرر اللى قبلينا....واحنا اللى نروح للنار برجلينا....ده الجنة قريبه بس انت متكنش ظلمه ع عنيينا....

هبة الله سامى

مقاله اسلام ابو بكر
http://www.facebook.com/home.php?#/notes/islam-abou-bakr/ndm-ykfr-lmslmwn-/237128893717
لو طريقك منور وسهل وانت ع دين ربنا....يبقى اكيد ماشى صح
لو طريقك كل الناس كرهاك..اعرف انك..ربنا يهديك وينور لك بصيرتك

حوار لذيذ بين 2009 و2010!!!

2010:

:انا جيت نورت الدنيا كلها

وانتى خلاص ماضى وراح انا الجديد والمستقبل والحاضر ومعنى التفاؤل للناس انما انتى

ههههههههههههههه...........الناس مصدقت خلصوا منك ومن كآبتك ..طلع فيكى عجايب ايه انفلونزا الخنازير دى؟؟!!

وايه المشكله بتاعت الجزائر و..و...و.....انفلونزا المعيززز...هههههههههه اما انتى عجيبة

يا ساتر غمة وانزاحت:D

2009:(:

انتى مالك فرحانه كده بنفسك ؟؟؟

صحيح انا ماضى بس اترسم بايديهم انا مجرد وقت عاشوه واتحسب فى عمرهم

انا الخبرة

انا التاريخ

انا معنى بس ياريت يفهموه ويستغلوه و...........(مقاطعه)..2010 جايه وشدة حيلها ع الاخر علينا:D

2010:نياهاهاهاهاهاهاها.انتى بتصلحى موقفك ولا ايه يا بنتى ؟؟

خلاص خلاص مهما تعملى ....انا الحياه الجديدة

2009:(:

برضه ؟؟؟

اسمعى بس

انت كمان مجرد وقت فى حياتهم ....مسيره هيخلص وحالك هيبقى حالى..خليكى ذكية تعالى نفهمهم حقيقتنا من غير خناق ..ويكرهونى ليه؟؟

ويحبوكى ليه؟؟

هما اللى يقدروا يخلونا سنة اتحسبت لهم مهما يحصل من ظروف زى ما يقدروا يحملونا مشاكلهم زى الشماعة واحنا ملناش ذنب!!!!

2010:احم احم:D

انتى اكبر منى واكيد تعرفى عنى كتيييير شوفتى مشاكلهم وتعرفيهم اكتر منى

عندك حق

ايه رأيك انتى تعليمهم وانا اكون مظهر التغييييير بالنسبه لهم ....ونتيجة الخبرة بتاعتك....وع رأيك هيجى وقت هبقى برضه بالنسبه لهم تاريخ وخبرة ..اعقل كده وابقى بنت حلال((((:

2009: ايوة كده يا مستقبل يا مزدهر ان شاء الله ..نوريهم بيا لولايا مكنتيش انتى هتبقى موجودة

ومكنتش اتمنى يحصل فيا حاجة احسن من كده....كل اللى حصل من افعالهم هما ومن افعال غيرهم .وغير قضاء الله وقدره اللى هما نسبه كبيرة فيه(:

بصى بقى انا هسيب لهم رسالة وانتى بعديا:

ازيكم يا ناس يا بشر يا عااااالم؟

ممكن تبقوا شايفنى وحشة وكئيبه بس متنكروش ان منكم قدر يحقق حاجات ينفع بيها نفسه وغيره ...يبقى العيب فى مين؟؟؟

اتعلموا منى انا وقت واتحسب من عمركم وكنت عارفه انى كده كده ماشيه ....منكم اللى استغلنى وحقق انجازات..ومنكم اللى نام وصحى ع اخر شهر فيا وحس انى كارثه فى حياته..انا معملتش حاجة كله منكم ومن افعالكم !!!!

عشان كده..انا ماضى وخبرة فى عمركم ..منكم اللى هيكمل انجازاته

ومنكم اللى هيتعلم من تجربته معايا وهيتعلم منى عشان يبنى حياه جديده فى سنة 2010 رفيقتى

فكروا فى اللى هتعملوه واتعلموا منى وخلونى سبب كويس فى 2010 لنتائج حياه مليانه انجازات(((:

اتمنى لكم التوفيق فى 2010

بحبكم برغم انكم عملتونى شماعه..اتمنى ان 2010 حالها يختلف عنى.

2010:ازيكم يا جماعة؟؟

انا جديد فى جديد لسه مخطتوش فيا خدش

عوزاكم تملونى نجاح وسعاده وفرح وتمحوا كل سلبيه من حياتكم وتتغيروا بناء ع اللى اتعلمتوه من 2009

وانتم تقدروا انا لسه مستقبل ممكن تغيروه ..اتعلموا من اللى قبلى وخلونى مع 2011 ماضى زود من رصيدكم وحياتكم

بحبكم واتمنى ابقى وشى حلو عليكم يا بشرررر:D

ياريت بقى رسالتى توصل من خلال المحادثة دى ....اتغيروووووا وارسموا مستقبلكم وحددوا ملامحه ..انتم تقدروا

العيب مش فى الزمن العيب فينا احناااااااا لو علقنا عدم نجاحنا عليه يلا شيلوا كل السلبيات

وانا معاكم

جروب عاوز اتغير

http://www.facebook.com/#/group.php?gid=165776465991&ref=mf

فيديو هديه ليكم من 2009(((:..

http://www.youtube.com/watch?v=OfSyMflfdyE

انا واحده من الناس متمناش عمرى يرجع لان الخبرة والوقت هما اللى بيعلموا ..لو كنت رجعت كنت هقع فى نفس المشاكل اللى قابلتنى..دى سنة الحياه

خبرة تصنع مستقبل...لكن المهم انك تستفيد من خبرات الاكبر منك عشان مضيعش وقت

هبة سامى

التغيير..هو روح الحياة!!!

التغيير...هو روح الحياة

تفتكروا انا ليه عملت المدونة وفكرة جروبى ع الفيس بوك برضه للتغير؟؟؟

ليه يعنى التغير؟؟
لسبب بسيط انى مش بحب السلبية ....مش بحب اشوف اى شىء ممكن نصلحه واحنا كل اللى بنعمله اننا بنقد مع اننا ممكن نشتغل على نفسنا وع اللى حولينا ونبقى احسن

كلنا عندنا عقل مش كده؟؟
ولا انت معندكش:D
ده حتى سبحان الله ده الشىء الوحيد اللى ربنا ميزنا به عن الحيوانات والجمادات

وكلنا برضه عندنا قدرات جوانا.......بلا استثناء وزى بعض...بس فيه حد بتظهر عنده وفى حد لأ
يبقى العيب فى مين؟؟
اكيد مش فى القدرات ولا خلقه ربنا
العيب فيكككك

ربنا اول لما أمرنا بالصلاة كانت كام؟؟
50 مش كده؟؟
واتخففت بقت كام ؟؟
5 برضه مش كده؟؟
ولا يكلف الله نفسا الا وسعها مش كده؟؟
طبعا كده لان ده قول الله الذى لايقبل الجدال
اذن انت كان فى استطاعتك انك تصلى 50....واتخففت بقت5
يعنى انت بتستغل 10% بس من قدارتك.....السؤال بقى
احم احم:D

بتستغلهم؟؟
ايه السؤال المحرج ده بقى؟؟:D
يعنى انت تقدر ...كلكم تقدروا

وبعدين بالنسبه لحال البلد والناس التانيه وكده؟
اولا ابدأ بنفسك
وكل واحد لما يبدأ فينا بنفسه ويشتغل ع قدراته ويظهرها بلدنا دى هتبقى اعظم دوله واحنا كل واحد هيحس بقيمته فينا ويعمر الكون ويحدد رسالته فى الحياة ويبدأ فيها...هتحسوا احساس جميل اوى..لان ربنا خلقنا كده بنحب نحس بقيمتنا لما نقرب منه وندور ع ذاتنا


الشيخ عبد العزيز بن بازس: ما تفسيـر قـول الحق- تبارك وتعالى -في سـورة الرعـد: (إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)؟ ج: الآية الكريمة آية عظيمة تدل على أن الله- تبارك وتعالى -بكمال عدله وكمال حكمته لا يُغير ما بقوم من خير إلى شر، ومن شر إلى خير ومن رخاء إلى شدة، ومن شدة إلى رخاء حتى يغيروا ما بأنفسهم، فإذا كانوا في صلاح واستقامة وغيروا غير الله عليهم بالعقوبات والنكبات والشدائد والجدب والقحط، والتفرق وغير هذا من أنواع العقوبات جزاء وفاقا قال - سبحانه -: (وَمَا رَبُّكَ بِظَلامٍ لِلْعَبِيدِ)
يبقى لازم نتغير....وكل شىء من جوة نفسك...كل وظيفتى انى هلمس كل شىء جواك بيوجعك وتعبك وهساعدك تشتغل ع نفسك من خلال مواضيع وسلاسل لتجديد وتطوير الذات
انت ممكن تبقى كويس جدا ..بس كل واحد محتاج كل يوم يتغير للاحسن فى ظل حياتنا وكمان عشان تتقدم
معتقدتش ان فيه حد فيكم مبيحبش يكون انجح؟؟

قال تعالى:

سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّى يَتَبَيَّنَ لَهُمْ أَنَّهُ الْحَقُّ أَوَلَمْ يَكْفِ بِرَبِّكَ أَنَّهُ عَلَى كُلِّ شَيْءٍ شَهِيدٌ (53) فُصلت
تامل نفسك وتفكر فيه كمان تتفكر فى كل هتلاقى حاجة جواك مش عند غيرك متميز فيها وبتعرف تعملها كويس اوى...ربنا خلقنا مختلفين فى اللى نقدر نعمله عشان نكمل بعض ونعيش ونعمر الدنيا

يلا دور ع نفسك جوا نفسك
وانا معاك هساعدك بكل شىء كورسات وندوات وكل شىء يساعدك تخرج من اعماقك
هيراكليتوس قال...ده فيلسوف التغير ان الانسان لا ينزل النهر مرتين
يعنى المكان اللى هتزل فيه بمجرد ما تطلع منه المياه هتجرى ولو نزلت تانى انت نزلت فى مياه تانيه خالص
التغير هو روح الحياة
يلا نبدأ

هبة سامى